ഇരുള് മൂടി , ചെളിയേറി നില്ക്കും തടാകത്തില്
എങ്ങുനിന്നൊരു താമര തണ്ടായി നീ വന്നു?
വെയിലില്ല, കാറ്റില്ല, പുളയ്ക്കുന്ന മീനില്ല
നിശ്ചലം നിര്ജീവം, ചുറ്റും മുള്ക്കാടുകള്.
മുകുളം വന്നിട്ട് ദിനങ്ങള് കഴിഞ്ഞിട്ടും
വിരിയാത്തതെന്തു നീ, വെറുതെ കൊഴിയാനോ?
ഇത്തടാകത്തില് വിരിയുവാന് തന്നെയോ?
സൂര്യനെ കാണുവാന് വെമ്പലില്ലേ നിന്നില്?
രാത്രി മുഴുവന് ഞാന് കണ് പാര്ത്തിരിക്കാം
ഒരു ദലമെങ്കിലും വിടര്ന്നു കാണാന്
മോഹിക്കുന്നില്ല നിന് കാന്തി നുകരുവാന്
ഒന്ന് മാത്രം മതി, നിന് നിറമെന്ത്?
Wednesday, February 23, 2011
Subscribe to:
Post Comments (Atom)
No comments:
Post a Comment