നിന്റെ മൌനമാം വാല്മീകത്തില്
നീയൊളിച്ചിരിക്കുവതിനിയെത്ര നാള്?
ശലഭമായി പറന്നെന്നിലണയാന്
തുടിക്കുന്ന നെഞ്ചം ഒന്നില്ലേ?
കരിമ്പളത്തിന്റെ ഊഷ്മളതയില്
സ്വച്ഛമായി നീ ഉറങ്ങിടുമ്പോള്
നിന് മിഴിരണ്ടും പിടക്കുവതെന്തേ?
ആരെ നീ സ്വപ്നത്തില് കാണ്വൂ?
എത്ര നാള് നീയി തപം ചെയ്തിരിക്കും?
നര വന്ന്.. ജര വന്ന്..പേരക്കിടാക്കളായി
ഒടുവിലൊരുപിടി ചാരമായ് പിന്നെ നമ്മള്
ഓര്മ്മകള് മാത്രം ആകും വരേക്കോ?
ദ്വാപരയുഗത്തിലെ രാധയായ് തീരാതെ
വരുമൊരു ജന്മത്തില് സാഫല്യം തേടാതെ
വരിക നീ സഖി.. ഇതുവരെ പാടിട്ടും
ബാക്കിയുള്ളതാണെന് പ്രണയം.
Monday, April 4, 2011
Subscribe to:
Post Comments (Atom)
No comments:
Post a Comment